Шымкентте мектеп директорларын жаппай ауыстырып жатыр
Шымкентте мектеп директорлары жаппай ауыстырылып жатыр, деп хабарлайды Хабар-24.
Алматы, NEGE. Жаңа оқу жылына дейін 68 педагог басқа мектепке басшы болып барады. Яғни мұндай өзгеріс қаладағы жалпы білім беру мекемелерінің тең жартысын қамтиды деген сөз.
«Тізімге іліккен директорлар бір жерде 15-20 жыл жұмыс істеген. Осынша уақытта қызметке деген ынтасы жоғалып, тіптен сыбайлас жемқорлық әрекетке баруға тәуекелділігі арттыруы мүмкін», - дейді білім басқармасындағылар.
Бір айта кетерлігі, бұған дейін Шымкентте 50 балабақша жетекшісі басқа бөбекжайға ауысқан.
- Барлық мекеме басшыларына «30 күн ішінде» деп хабарлама берілді. 8 тамыздан бастап оларға бұйрық шығарылады және 5 жылға еңбек шарты түзіледі. Ешқандай кадрды өзімен бірге алып кетуін - сыбайлас жемқорлыққа жол бермеу мақсатында ротациялау комиссиясының хаттамасына нақты осы тармақты көрсетіп жаздық, - дейді қалалық білім басқармасының бас маманы Айткүл Оспанова.