Шымкентте 1 миллион құрт пен бауырсақ таратылды
Алғыс айту күніне орай Шымкентте 1 миллион құрт пен бауырсақ таратылды.
Алматы, NEGE. Іс-шара қаладағы халық көп жүретін қоғамдық орындарда ұйымдастырылды. Ыстық бауырсақ пен аппақ құрт арнайы қапшықтармен таратылды.
Сыртындағы «1 наурыз-Алғыс айту күні»-деген жазу да мерекені айшықтап тұрды. Мерекелік сыйлықты сауда – ойын-сауық орталығы мен қалалық саябақтарда, әуежай, темір жол вокзалы, базарлар мен студеттер көп тұратын шағын аудандарда жүрген тұрғындар алды. Этноауыл тарихи кешенінде өткен іс-шараға қала әкімінің орынбасары Шыңғыс Мұқан қатысып, мерекенің мәні мен маңызының жоғары екендігін жеткізді. Ал, этномәдени орталық өкілдері қазақ халқына алғыстарын айтты.
Ақсақалдар елдің амандығын тілеп бата берді.