Шерзат Болаттың өліміне қатысты тағы бір күдікті ұсталды
17 қазанда Шерзат Болаттың өліміне тағы бір күдікті ұсталды, деп хабарлайды Алматы облыстық полиция департаментінің баспасөз қызметі.
Алматы, NEGE. «Қазіргі уақытта оқиғаның барлық мән-жайын анықтауға бағытталған жедел-іздестіру шаралары жүргізілуде», - делінген полицияның хабарламасында.
Естеріңізге сала кетейік, 4 қазанға қараған түні 16 жастағы Шерзат Болат бір топ қаскөйдің қолынан қаза тапқан еді.
Қылмыстық іс ҚР Ішкі істер министрлігі басшысы мен Бас прокурордың ерекше бақылауында.