Шәкірттер оқу ақысын кейін төлей алатын болды
Нұр-Сұлтан қаласының арнаулы орта оқу орындарының мыңнан астам студентінің оқу ақысын төлеу мерзімі ұзартылды. Бұл туралы елорда әкімдігінің ресми сайты хабарлады.
Алматы, NEGE. Нұр-Сұлтан колледждерінің жатақханада тұратын өзге қалалық 50-ге жуық студенті қашықтан білім алуда. Оларға флеш-карталар, роутерлер, сондай-ақ азық-түлік жеткізілді.
«Сонымен қатар, студенттер ай сайын мемлекеттік стипендия алады. Бүгінде колледж әкімшілігіне өтініш білдірген мыңнан астам студентке оқу ақысының уақыты 2020 жылдың тамыз айына дейін ұзартылды,» – деп хабарлады Нұр-Сұлтан қалалық білім басқармасы.