Шағын автобус жардан құлап кетті
Перудің солтүстік-шығысында шағын автобус жардан құлап, апат салдарынан кем дегенде 10 адам қаза тапты, жеті адам зардап шекті. Бұл туралы RPP радиостанциясы мәлім етті.
Алматы, NEGE. Деректер бойынша, шағын автобус 300 метр биіктіктен құлаған. Аман қалғандар ауыр жағдайда ауруханаға жеткізілді. Автобус Чачапояс елді мекенінен Майобамба қаласына қарай бағыт алған. Полиция болған оқиғаның себептерін анықтап жатыр.