23 января 2024 г. 16:45
Сейсмология институтына шамамен 5 млрд теңге бөлінеді
Бұл туралы Үкімет отырысында Ғылым және жоғары білім министрі Саясат Нұрбек айтты.
Алматы, NEGE. Ол мекемеге құрал-жабдық сатып алуға 4-5 миллиард теңге шамасында қаржы бөлінетінін жеткізді.
«Өткен жылдан бері бізде жеке бағдарлама болған болса, биыл біз тиісті құрал-жабдықтар мен кадрлық ресурстарды нығайтуға үлкен қаржыландыру пакетін бөліп жатырмыз», - деді Саясат Нұрбек.
Министрдің айтуынша, бұл қаражат зерттеу және цифрландыру жұмыстарын жетілдіруге жұмсалады.