Сеул мэрі жоғалып кетті
Оңтүстік Корея полицейлері Сеул мэрі Пак Вон Сунды іздестіріп жатыр. Бұл туралы мэрдің қызы айтты, деп хабарлайды РИА Новости.
Алматы, NEGE. Ренхап агенттігінің мәліметінше, мэр із-түссіз жоғалып кеткен соң оның қызы шамамен сағат 17.17-де полицияға арыз қалдырған (Нұр-Сұлтан уақыты бойынша сағат 14.17-де). Ол әкесінің үйден шамамен 4-5 сағат бұрын кеткенін хабарлаған.
Сондай-ақ, ол әкесінің өсиетке ұқсас сөздер айтып кеткенін жазған. Мэрдің телефоны әлі сөндірулі.
Полиция қазіргі уақытта іздестіру жұмыстарын жүргізіп жатыр.