«Серік-голованы» 19 жылға соттауды сұрады
Алматыда атышулы «вор в законе» Серік Жаманаевқа қатысты сот процесі аяқталуға таяды. Прокурор «Серік-голованы» 19 жылға соттауды сұрады.
Алматы, NEGE. Мемлекеттік айыптаушы оны ҚР Қылмыстық кодексінің 262-бабы 2-бөлігі «ұйымдасқан топ, қылмыстық ұйым құру және оған басшылық ету, сол сияқты оларға қатысу», 194-баптың 4-бөлігінің 1-тармағы «адамдар тобы аса ірі мөлшерде күш қолданып жасаған қорқытып алушылық», 106-баптың 3-бөлігі «абайсызда адамның өліміне әкеп соққан денсаулыққа қасақана ауыр зиян келтіру» бойынша кінәлі деп тануды сұрады.
Тақырыпқа орай: Серік «Голованың» сергелдең тағдыры
«Мүлкі тәркіленіп, 19 жылға бас бостандығынан айыру түріндегі жаза тағайындауыңызды сұраймын. Серік Жаманаевты әрекетінде қылмыстың қайталану қаупі бар. Жазасын өтеуді қылмыстық-атқару жүйесінің төтенше қауіпсіз мекемелерінде тағайындалсын», – деді прокурор.
Естеріңізге салайық, Серік Жаманаев былтыр ақпанда ұсталған еді.