Серік Күдебаевтың ісі бойынша сот залынан видео жарияланды
Серік Күдебаевтың ісі бойынша сот залынан түсірілген видео тарады, деп хабарлады Informburo.kz.
Алматы, NEGE. Прокурор соттан Қаңтар оқиғасы кезіндегі әрекетсіздігі үшін айыпталып жатқан генерал Күдебаевтың ісін қарауды уақытша тоқтатып, оған халықаралық іздеу жариялауды сұрады.
Судья Әбділла Үмбетай Күдебаевтың Бішкектен Ыстамбұлға ұшып кеткенін айтты. Сотталушыға халықаралық іздеу жарияланды.
"Қырғызстанның шекара қызметінен алынған прокурордың мәліметі бойынша, 23 наурызда Күдебаев Манас әуежайынан (Бішкек) Стамбулға ұшқан. Сотталушының одан әрі қозғалуына жол бермеу үшін Күдебаевқа халықаралық іздеу жарияланды», - деді судья.