10 февраля 2024 г. 4:22
Семейдегі «Ақшың» базарына қасақана от қойған болуы мүмкін
Төтенше жағдайлар министрлігі Семейдің «Ақшың» базарындағы өрттің ықтимал себептерін атады, деп жазды 24.kz.
Алматы, NEGE. Өртке қарсы қызмет комитеті төрағасының орынбасары Марғұлан Аманбаев қазір 3 нұсқа бар екенін айтты. Айтуынша, базарға қасақана от қойған болуы да мүмкін.
Естеріңізге сала кетейік, 6 ақпан күні Семейдегі сауда орталығынан өрт шығып, 6 мың шаршы метрден астам аумақ отқа оранған. Қазір арнайы комиссия оқиғаның себебін анықтап жатыр.
"Біріншісі, өрт электр сымдарының тұйықталуынан шығуы мүмкін. Екіншісі – қасақана өрт қою. Үшіншісі, сауда орталығында ток көздерінің сөндірілмей қалып қоюынан болуы мүмкін. Міне, осындай жұмыстар атқарылып жатыр", – деді Өртке қарсы қызмет комитеті төрағасының орынбасары Марғұлан Аманбаев.