«Самұрық-Қазынаның» жеті топ-менеджері қызметінен кетті
Андрей Кравченко және тағы да алты адам «Самұрық-Қазына» ұлттық әл-ауқат қорының топ-менеджері қызметінен кетті. Бұл туралы аталмыш қордың баспасөз қызметі хабарлады.
Алматы. NEGE. «Мемлекет басшысының тапсырмаларын жүзеге асыру шараларының жоспарына сәйкес, жазған өтініштері бойынша:
- Кравченко Андрей Николаевич, «Самұрық-Қазына» АҚ басқарма мүшесі, құқықтық сүйемелдеу және тәуекел жөніндегі басқарушы директор,
- Манкеев Мұхтар Наурызбаевич, «Самұрық-Қазына» АҚ корпоративтік басқару және әлеуметтік-еңбек қатынастары жөніндегі басқарушы директор,
- Дүрмағамбетов Ерлан Дмитриевич, «Самұрық-Қазына» АҚ стратегия, тұрақты даму және сандық трансформация жөніндегі басқарушы директор,
- Тәжіғалиев Мұхтар Өтепқалиевич, «Самұрық-Қазына» АҚ активтерді басқару жөніндегі тең басқарушы директор,
- Есболов Бектенбай Тілектесов, «Самұрық-Қазына» қоғаммен және Үкіметпен байланыс жөніндегі тең басқарушы директор,
- Түсіпбеков Жанат Рашидович, «Біріккен химиялық компания» ЖШС басқарма төрағасы,
- Қожатов Қуат Асқарбекович, «Samruk-Kazyna Trust» бас директоры қызметінен босатылды», - деп хабарлады қор өкілдері.
Мұның алдында осы қор қызметкерлерінің тең жартысы қысқартылғаны хабарланған болатын.