Руфина Искакова байдарка мен каноэде ескек есуден Италияда әлем чемпионы атанды
Италияның Ауронцо-ди-Кадоре қаласында жасөспірімдер мен жастар арасында байдарка мен каноэде ескек есуден әлем чемпионаты өтіп жатыр. Жерлесіміз Руфина Искакова 23 жасқа дейінгілер арасындағы С-1 санатында топ жарды.
Алматы, NEGE. 9 шілде күні Спортты дамыту дирекциясының мәліметінше, ол 5000 метрлік сайыста 30:18.59 секунд көрсеткішпен үздік атанды. Молдавиялық Елена Глизан күміс жүлдеге ие болса, Иран өкілі Хадие Хейрабади үздік үштікке енді.
Сонымен қатар отандасымыз Мария Бровкова 18 жасқа дейінгілер арасында С-1 санатында 200 метрге жарысудан мәре сызығына екінші болып жетті.
Додаға 65 елден 938 спортшы қатысып жатыр.