Росавиация Ақтаудағы ұшақ апатына құстар себеп болуы мүмкін екенін хабарлады
Ресей авиациясы ұшақтың апатқа ұшырауының алдын ала себебін хабарлады. Апатқа құстар себеп болуы мүмкін екенін мәлімдеді.
Ақтау, NEGE. «Баку-Грозный» бағытындағы ұшақ тұманға байланысты Грозныйға қона алмағаннан кейін Махачкалаға, одан әрі Ақтау қаласына бет алған.
Azerbaijan Airlines әуе компаниясы Қазақстандағы ұшақ апатына қатысты пікір білдірді.
«Баку-Грозный бағыты бойынша J2-8243 рейсін орындаған Azerbaijan Airlines әуе компаниясының Embraer 190 ұшағы Маңғыстау облысы Ақтау қаласынан шамамен 3 шақырым жерде апатқа ұшырады. Жолаушылар арасында 6 қазақстандық болған. Сондай-ақ ұшақта Әзірбайжанның 37 азаматы, Қырғызстанның 3 азаматы және Ресейдің 16 азаматы болған», - делінген хабарламада.
Бұл ретте Росавиация Ақтауға қону туралы шешімді әуе кемесінің командирі төтенше жағдайдан кейін қабылдағанын хабарлады.