«Росатом» басшысы Қазақстандағы алғашқы АЭС құрылысына қанша қаражат жұмсалатынын айтты
«Росатом» мемлекеттік корпорациясының бас директоры Алексей Лихачевтің айтуынша, Қазақстанда атом электр станциясын салудың құны $14–15 млрд көлемінде болады.
Алматы, NEGE. Оның сөзінше, тек төмен бағаға келісе салу жеткіліксіз, атом саласындағы бүкіл ынтымақтастықты да ескеру қажет. Лихачев Еуропа мен АҚШ-тағы атом электр станцияларының бағасы $20 млрд-тан асатынын мысал ретінде келтірді.
Сондай-ақ ол АЭС-тің болашағын тек алдағы 30–40 жылға емес, 50–70 жылға есептеп қарастыру маңызды екенін атап өтті.
«Мәселе тек жаңа станциялар паркін салуда ғана емес, атом энергетикасының төртінші буынына көшуімізде», — деді «Росатом» басшысы YouTube-тағы «КУПОЛ ЮРТЫ» арнасына берген сұхбатында.