Режеп Тайип Ердоған ШЫҰ саммитіне қатысу үшін Астанаға келді
Түркия Президенті Режеп Тайип Ердоғанның ұшағы Астанаға қонды.
Астана, NEGE. Елорда әуежайында түрік басшысын Премьер-Министр Олжас Бектенов қарсы алды.
Режеп Тайып Ердоған 3-4 шілдеде өтетін Шанхай ынтымақтастық ұйымына мүше мемлекеттер басшылары кеңесінің 24-ші отырысына қатысады.
Түркия – ұйымға серіктес ел. Айта кету керек, Түркия Қазақстанның ең ірі сауда серіктестерінің бестігіне әрі инвестор елдердің үздік 20-на кіреді. Осы жылдың 4 айында өзара сауда көлемі $1,6 млрд-қа жетті.
Екі елдің үкіметтері сауданың тұрақты көлемін кемінде $10 млрд деңгейінде жоспарлы түрде қамтамасыз ету бойынша жұмыс істеуде.