Республиканың бірқатар өңірлерінде су тасқыны қаупін болдырмауға мүмкіндік беретін іс шаралар жүргізілді
Төменде көрсетілген су тасқынына қарсы жұмыстар 213 елді мекеннен қауіп-қатерді алып тастауға және 580-ге барынша азайтуға мүмкіндік берді, онда 551 099 адам тұратын 119 577 үй орналасқан.
Алматы, NEGE. ТЖМ су тасқынына қарсы іс-шаралары республиканың бірқатар өңірлерінде су тасқынының жойқын зардаптарын болдырмауға мүмкіндік берді.
ТЖМ іске асырған су тасқынына қарсы жұмыстардың көмегімен республика бойынша 213 елді мекеннен қауіп-қатерді алып тастауға және 580 елді мекеннен барынша азайтуға мүмкіндік туды, онда 551 099 адам тұратын 119 577 үй орналасқан.
ТЖМ Су тасқынына қарсы іс-шаралардың 2021-2023 жылдарға арналған жол картасы, облыстық су тасқынына қарсы жоспарлар және 2022 жылдың жазғы-күзгі кезеңіне арналған инженерлік жұмыстар жоспарлары шеңберінде су тасқыны қаупі бар елді мекендерді қорғау жөніндегі орталық және жергілікті атқарушы органдардың жұмысын үйлестіреді және талдайды.
Жалпы 2 жыл ішінде республика бойынша Су тасқынына қарсы іс-шаралар жол картасының 78 іс-шарасын іске асыру аяқталды.
Жол картасын іске асырудың екі жылында 5,7 км түбін тереңдету, 33,8 км жағалауды нығайту, өзен арналарының 41,2 км учаскелерін тазарту, сондай-ақ бас каналдың 3 км арнасын тазарту, бір бөгетті күрделі жөндеу, 1 км салу және 23,85 км қорғаныш бөгендерін ағымдағы жөндеу, 5,3 км су бұру арналарын тазарту, 4 гидротехникалық құрылысты жөндеу жүргізілді, автомобиль жолдарының учаскелерінде 1 су өткізу құбырын орнату және 14 су өткізу құбырын ауыстыру, сондай-ақ 4 жергілікті құлақтандыру жүйесін орнату жүргізілді.
2021 жылы Жол картасының іс-шараларын іске асыру 81 334 адам тұратын 43 елді мекеннің, ал 2022 жылы 20 807 адам тұратын 39 елді мекеннің су тасқынынан қорғалу деңгейін арттыруға мүмкіндік берді.