Ресейдегі КТК акцияларын басқаратын компания Ұлыбританияның санкциясына ұшырады
Ұлыбритания ресейлік «Транснефть» компаниясын санкциялық тізімге енгізді.
Алматы, NEGE. Ұлыбритания үкіметінің сайтындағы мәліметтерге сәйкес, санкциялар активтерді тоқтатып қоюға, сондай-ақ компанияның сенім қызметтерін жеткізушілер мен басшылығына қатысты енгізіледі. «Транснефть» компаниясымен операция жасауға рұқсат беретін лицензия 2026 жылғы 9 сәуірге дейін жарамды.
«Транснефть» әлемдегі ең ірі магистральдық мұнай құбырлары желісін басқарады және Ресейдің мұнай экспортының шамамен 80%-ын қамтамасыз етеді. Осы маршрут арқылы Қазақстанның негізгі мұнай экспорты өтеді.
Қазақстанның мұнайын Германияға жеткізу «Транснефть» құбыр жүйесі арқылы транзитпен жүзеге асады. Содан кейін шикізат Беларусь аумағымен «Гомельтранснефть Дружба» жүйесі арқылы «Адамова Застава» қабылдау нүктесіне жетеді, одан әрі Шведтедегі мұнай өңдеу зауытына жіберіледі.
Бұған дейін «Транснефть» санкциялық тізімге ілікпей жүрген.
Осы жаңалықтардың әсерінен Мәскеу биржасында сатылатын «Транснефтьтің» акциялары 1,18% арзандады.
