23 сентября 2022 г. 13:51
Ресейліктердің шекарадан өтуі шектеледі
Финляндия билігі Ресей азаматтарының елге кіруін шектемек, деп хабарлайды Хабар-24.
Алматы, NEGE. Елдің Сыртқы істер министрі көрші елдің туристері үшін транзиттік мемлекет болғысы келмейтінін жеткізді. Рейтер агенттігінің хабарлауынша, Кремль жартылай мобилизация туралы жариялаған күні арадағы шекарадан 5 мың ресейлік өткен.
Айта кеткен жөн, таяуда Еуроодақ Ресей азаматтарына жеңілдетілген тәртіппен виза беруді тоқтатты. Енді Шенген визасын рәсімдеу 15 күннің орнына 45 күн уақытты алады. Алымдар сомасы да шамамен 2 есе өскен.
