QazaqGaz Aimaq-тың топ-менеджерін ҰҚК тергеп жатыр
Жетісу облысындағы QazaqGaz Aimaq АҚ өндірістік филиалының директоры Айбек Ерғалиға қатысты сотқа дейінгі тергеу жүргізіліп жатыр.
Астана, NEGE. Ақпаратты Ұлттық қауіпсіздік комитетінің баспасөз қызметі растады.
Айбек Ерғалидың қандай күдікке ілінгені белгісіз. ҰҚК өкілдері Қылмыстық-процестік кодексінің 201-бабына сілтеме жасап, басқа ақпарат жариялаған жоқ.
Бұған дейін желіде Жетісу облысында «QazaqGaz Aimaq» АҚ өңірлік филиалының басшысы Айбек Ерғалиды ҰҚК қызметкерлері ұстағаны жөнінде ақпарат тараған еді. Онда филиал басшысының журналистерге арналған брифинг өткізген күннің ертесінде ұсталғаны айтылған. Брифинг барысында ол Жетісу облысы тұрғындары үшін газ бағасының өсуіне қатысты мәселелерге түсініктеме берген. Бұл тақырып қоғамда резонанс тудырған.