Qazaq Air ұшағында болған жағдайға қатысты арнайы комиссия құрылады
Бұл туралы Көлік министрлігі хабарлады.
Алматы, NEGE. "Қостанай-Астана бағыты бойынша Qazaq Air әуе компаниясының рейсінде болған авиациялық оқиғаны тергеп-тексеру үшін саладағы ережелерге сәйкес арнайы комиссия құрылады. Бұл жұмысты министрліктің Көліктегі оқиғаларды тергеу департаменті жүргізеді", - делінген ақпаратта.
Айта кетейік, Қостанай - Астана бағытындағы Qazaq Air ұшағы техникалық ақауға байланысты Қостанай әуежайына қайта оралды. Ұшақ көтерілмек болған сәтте дөңгелектен ұшқын шығып, өртене бастаған.