Qarmet шахтасынан 155 жұмысшы шұғыл эвакуацияланды
Бұл туралы Qarmet компаниясының баспасөз қызметі хабарлады.
Алматы, NEGE. Кәсіпорынның Орталық диспетчерлік басқармасына 7 қараша күні сағат 20:29-да Қарағанды облысындағы «Абай» шахтасында электр энергиясының тоқтағаны туралы хабар түскен. Бұған «Қарағанды» ЖШС №9 трансформаторлық станциясында электр қуатының тоқтауы себеп болды. Кешкі ауысымда болған 155 адам шұғыл шығарылды.
Кәсіпорынның барлық қызметі тиісті алгоритмдерге сәйкес жедел әрекет еткен.
Қазіргі уақытта электр қуаты қалпына келтіріліп, шахтада тексеру жұмыстары жүргізіліп жатыр.