Путиннің сарайы: Навальный барлық құпияның бетін ашты (видео)
Алексей Навальныйдың Youtube каналында екі сағаттық «Дворец для Путина. История самой большой взятки» атты фильмі шықты.
Алматы, NEGE. YouTube-те жарияланған фильм бір күннің ішінде 20 млн-нан астам қаралым жинап үлгерген. Видео Навальныйдың Ресейге оралғанға дейін жазып алынған.
Навальныйдың командасының мәліметінше, Краснодар өлкесінің Прасковеевка ауылындағы президенттің сарайына 100 миллиард рубль жұмсалған. Видеодағы тергеу мәтіні мен барлық құжаттарды осы жерден табуға болады.
Осы фильмнен кейін Ресей президентінің баспасөз хатшысы Дмитрий Песков оппозиция жетекшісі Алексей Навальныйдың фильмі туралы пікір де білдірген болатын.
"Жоқ, біз фильммен танысқан жоқпыз. Шын мәнінде, мұның барлығы - жалған", - деп жауап берген Дмитрий Песков журналистердің сауалына.