Путин Байденге: Өзің сондайсың!
АҚШ президенті Джо Байден сұхбатында В.Путинге кіжінген. «АҚШ-тағы сайлауға араласқаны үшін жауап беретінін» ескертіп, «Путинді қанішер санайсыз ба?» деген тілшінің сұрағына «Иә» деп жауап берген.
Алматы, NEGE. Ресей президенті В.Путин америкалық әріптесіне жауап берді.
«Америкалық әріптесімнің мәлімдемесі туралы айтар болсам, иә, біз жеке таныспыз. Мен оған не айтам? Оған денсаулық тілеймін. Мұны еш қалжыңсыз айтып отырмын...
Бала күнімізде аулада дауласып қалғанда: «Өзің сондайсың!», – деуші едік. Бұл – кездейсоқ емес, баланың ойыны да емес...», – деді В.Путин.