Президент Қанат Шарлапаевты экономикалық мәселелер жөніндегі көмекшісі қызметінен босатты
Бұл туралы Ақорданың баспасөз қызметі хабарлады.
Алматы, NEGE. «Мемлекет басшысының Жарлығымен Қанат Бисимбайұлы Шарлапаев Қазақстан Республикасы Президентінің экономикалық мәселелер жөніндегі көмекшісі лауазымынан босатылды», – делінген хабарламада.
2023 жылғы қыркүйектен бастап ол Индустрия және құрылыс министрі қызметін атқарды. 2025 жылғы ақпанда бұл лауазымнан босатылып, Президенттің көмекшісі болып тағайындалған еді.