PR room кәсіби қоғамдастығы ұйымдастырған PR-мамандары арасындағы байқаудың жеңімпаздары анықталды
2023 жылдың 19 қаңтарында Астанада салалық PR-мамандарды дамытуды қолдайтын PR room кәсіби қоғамдастығы ұйымдастырған PR-мамандар арасындағы байқауды cалтанатты марапаттау рәсімі өтті.
Астана, NEGE. Конкурс PR-қоғамдастық өкілдері, қоғаммен байланыс жөніндегі мамандар, қазақстандық компаниялар, кәсіпорындар, қауымдастықтар, қоғамдық ұйымдар, фрилансерлер және т. б. PR-бөлімшелерінің өкілдері арасында өткізілді.
Еліміздің ірі ұйымдары мен компанияларынан, соның ішінде "Қазақмыс", "Қазцинк", "Қазатомөнеркәсіп", БЖЗҚ-дан, Qazaq Air, сондай-ақ қайырымдылық қорлары мен фрилансерлерінен 55 өтінім келіп түсті.
Жұмыстарды өзектілігі, шығармашылығы және маңыздылығы бойынша бағалаған байқаудың қазылар алқасының қатарында PR-Индустрияның мамандары болды. Конкурс Қазақстанда Public relations дамытуға, қоғаммен байланыс жөніндегі қазақстандық мамандардың шығармашылық және креативті әлеуетін бағалауға бағытталған.
PR room қоғамдастығының бастамасын ҚР Ұлттық Банкі, Astana Hub, "Қазпошта" АҚ, Еуразиялық Даму Банкі, "Imedia" студиясы, MSSP GLOBAL, кеңістік "KHS.Hub» қолдады.
Қысқа тізімге қазылар алқасы мүшелерінің бағалау қорытындысы бойынша ең көп бал жинаған өтінімдер енді. Әр жоба өзектілігі, шығармашылығы, жаңалығы сияқты бірнеше критерийлер бойынша жан-жақты бағаланды.
"Біз байқауға қатысқан барлық әріптестерімізге алғысымызды білдіреміз. Қазақстанның барлық салалары мен көптеген өңірлерін қамтуға мүмкіндік туды. Осындай бастамалар арқылы біз бір-бірімізбен тәжірибемен, идеялармен бөлісеміз. Қазір PR мамандарының жұмысында стратегиялық міндеттер көбейіп келеді, IT, GR, HR салаларының бірнеше мықты жобалары бар. Бұл байқауға жіберілген өтінімдер бойынша да байқалды, жобалар ауқымды, креативті, сондай-ақ жобаларда елдің және өңірдің күн тәртібіндегі мәселелер көрсетілді", - деп түсіндірді байқаудың қазылар алқасының төрағасы, Ұлттық банктің баспасөз қызметі басшысының орынбасары Айнұр Жұмаділова.
Байқау келесі бағыттар бойынша өткізілді:
- Ең жақсы PR Digital және IT кейстері
- PR HR бренді
- Салалық PR: оның ішінде индустрия және постиндустрия, өндіріс секторы, мұнай секторы, ауыл шаруашылығы, фармакология, медицина, қаржылық коммуникациялар
- Мемлекеттік коммуникациялар: жекелеген мақсатты аудиториялармен жұмыс, қоғамдық маңызы бар бастамалар мен заң жобаларын ақпараттық сүйемелдеу
- ESG PR кейстері
- Фрилансерлердің ең жақсы PR кейстері
- Спорттағы, мәдениеттегі PR жобалар, әлеуметтік бастамалар мен қайырымдылық, краудфандинг.
Қазылар алқасы ең жоғары бал жинаған 20 жұмысты таңдады. Бұдан бөлек, қазылар алқасының арнайы номинациялары да болды.
Жеңімпаздар:
V орын - Александр Лихтман "Пресс-релиз генераторы" жобасымен
IV орын - Әсел Кужахметова "vision ZERO SERGEK" жобасымен
ІІІ орын-Аида Низабекова "Indrive: атпен жеткізу" жобасымен
ІІ орын Марина Шаповалова "Әкімдік қайда қарайды" жобасымен
І орын Ақбота Орынбаева QAZAQ AIR жобасымен - "Бірінші отандық әйелдер экипажы"
Арнайы номинациялар бойынша жеңімпаздар:
"ҚазЦинк" ЖШС Үздік HR-жоба ретінде арнайы жүлдемен марапатталды
Аида Баймакова және Alageum Electric қазылар алқасы дағдарысқа қарсы ең жақсы жоба деп танылды.
Шаира Рахимова инновацияларды PR-ілгерілету үшін марапатталды.
"Қазақмыс корпорациясы" ЖШС қазылар алқасының іске адалдығы үшін арнайы сыйлығымен марапатталды.
"Qazaq Gaz" ҰК " АҚ-ішкі коммуникациялардың үздік жобасы
"Шала туылған нәрестелердің ретинопатиясы" жобасы бар AYALA қоры ең жақсы қайырымдылық жобасы болып танылды.
"Петроглиф аңшылары" ҚҚ және "Қазақстан – петроглифтер елі" жобасымен DDA агенттігі Үздік әлеуметтік жоба ретінде бағаланды.
Фрилансер Анар Канафина жобаны үздік рәсімдегені үшін марапатталды.
ҚР Қаржы нарығын реттеу және дамыту агенттігі "Fingramota" жобасымен қаржылық сауаттылық бойынша ең ауқымды жоба болып танылды.
Мемлекеттік тілді насихаттағаны үшін ФТК-дан Асқар Ағатаев марапатталды ("Теннис қазақша сөйлейік!»).
БЖЗҚ жобасымен "Зейнет.kz" үздік халық жобасы ретінде бағаланды.
Фрилансерлер арасында Ең үздік IT-жоба Әлия Оразымбетованың It aiel жобасы болды.
Olimpbet ең үздік «Футбол жолы» спорт жобасын ұсынды.
"Power voice" байланыс агенттігі Үздік командалық жоба ретінде бағаланды
"Мемлекеттік техникалық қызмет" АҚ жеңіске деген ерік-жігері үшін қазылар алқасының марапатымен марапатталды.
Барлық қатысушылар байқау ұйымдастырушыларынан естелік сыйлық алды.
PR салалық қауымдастығының байқауы жыл сайын өтіп отырады. Келесі жылға өтінімдер 2024 жылдың қараша айының ортасынан 25 желтоқсанға дейін қабылданады.