Полицейлер мен құтқарушылар жертөледен шыға алмай қалған әйелді құтқарды
Таңғы сағат 4-те Первомайский ауылының зейнеткері жертөлеге түсіп бара жатып, биіктен сүрініп құлап, өздігінен көтеріле алмаған.
Алматы, NEGE. Түстен кейін ғана көршілер әйел адамның көмекке шақырғанын естіп, ТЖД мен полиция қызметкерлерін шақырған.
Оқиға орнына учаскелік полиция инспекторлары Азамат Балтабаев пен Орал Азамбаев жедел жеткен.
Құтқарушылар мен полицейлер зейнеткерді аман-есен алып шығып, дәрігерлердің қолына тапсырды.