Полицейлер «Қайрат» пен «Ақтөбе» жанкүйерлеріне ескерту жасады
Бүгін, 16 наурыз күні Алматыда «Қайрат» пен «Ақтөбе» клубтары арасында футбол матчы өтеді.
Астана, NEGE. Полиция қызметкерлері қоғамдық қауіпсіздікті қамтамасыз ету үшін қосымша шаралар қолға алынды, деп хабарлайды Polisia.kz.
Алматы қаласы полиция департаментінің бастығы Айдын Қабдулдинов спорттық іс-шара барысында қоғамдық тәртіп қатаң бақыланатынын мәлімдеді.
«Матч өтетін күні стадион мен оған іргелес аумақтарда қауіпсіздік шаралары барынша күшейтіледі. Қоғамдық тәртіпті қамтамасыз етуге қосымша полиция күштері жұмылдырылады», – деді ол.
Сондай-ақ ол жанкүйерлерді стадиондағы ережелерді сақтауға шақырды.