Перизат Қайраттың соттағы сөзі жабық режимде өтеді
Астанада Перизат Қайрат пен оның анасына қатысты сот процесі жалғасуда.
Астана, NEGE. Бүгін BizBirgemiz қорының қаражатын жымқыру ісі бойынша жәбірленушілердің барлығы сотта сөйледі.
Ары қарай Перизат Қайрат пен оның анасы Ғайни Алашбаеваның және олардың адвокатының сөзі жабық режимде тыңдалатын болды. Бұл туралы судья Сабыржан Каримов мәлімдеді.
Сот процесінің бұл кезеңі жабық өтетіндіктен, журналистер залға кіргізілмейді және процеске қатыса алмайды.