Павлодардағы мектептің өртенуіне байланысты қылмыстық іс қозғалды
Төтенше жағдайлар министрлігі мемлекеттік өрт бақылау басқармасының басшысы Ерлан Төрегелдиев Павлодардағы мектеп өртінің неден шығуы мүмкінін екенін айтты.
Алматы, NEGE. Ол кешегі өрт фактісі бойынша материалдар әзірге тексеріліп жатқанын алға тартты. Төрегелдиевтің сөзінше, өрттің алдын-ала себебі - электр құралдарын, яғни стандартқа сай келмейтін электр ұзартқыштарын пайдалану кезінде өрт қауіпсіздігі ережелерінің бұзылуы. Бұл алдын-ала болжам ғана. Аталған өрт фактісі бойынша қылмыстық іс қозғалды.
"Қазіргі уақытта барлық білім беру нысандарының аумағына, қабатына қарамастан жоспарлы тексерулер жүріп жатыр. Яғни барлық объекті жоғары сын-қатер дәрежесіне жатады, сондықтан олар жиі тексеріледі. Бірінші жартыжылдыққа шамамен 8 мың нысан жоспарланған, олардың жартысынан көбі тексерілді. Мамыр айының соңы мен маусымның басында барлық тексерулердің нәтижесі халыққа жеткізіледі деп айтуға болады", - деді Төтенше жағдайлар министрлігінің өкілі.