Павлодарда әскери қызметкер соққыға жығылды
Павлодарда екі ер адам әскери қызметкерді ұрып-соққан.
Алматы, NEGE. Павлодар қалалық ПД баспасөз қызметінің мәліметінше, 1 қарашада екі ер адам кезекшіліктегі әскери бөлімнің әскери қызметшісін ұрып тастаған.
№5512 әскери бөлімінің әскери қызметкерлері қоғамдық тәртіпті күзету үшін кезекшілікті қабылдап алған. Кешкі сағат 19.15-те Қайырбаев көшесі, 104 үй маңында патрульдеу кезінде олардың жанынан өтіп бара жатқан екі ер адам өздерін агрессивті ұстап, оларды балағаттаған. Әскери қызметкерлер бұл адамдарға қоғамдық тәртіпті бұзғанын айтып, жергілікті полиция бөліміне баруды сұрайды, әрине ер адамдар қарсылық білдіріп, одан бас тартқан. Жанжал кезінде олар әскери қызметкерлердің біріне дене жарақатын келтірді. Оларды ұстау кезінде арнайы құралдар қолданылды, делінген хабарламада.