Павлодар облысында суармалы егіншілік қандай нәтиже берді
Әкім Әбілқайыр Сқақов өңірге жұмыс сапарымен келген премьер-министр Әлихан Смайыловқа Павлодар облысының жеті айдағы әлеуметтік-экономикалық дамуы туралы есеп берді. Экономиканың негізгі базалық салаларымен қатар агроөнеркәсіптік кешен қарқынды даму үстінде. Оның дамуының басты шарттарының бірі суармалы егіншілікті дамыту.
Павлодар, NEGE. Әбілқайыр Сқақовтың ақпараты бойынша екі жыл ішінде Павлодар облысындағы суармалы егістіктердің аумағы 35 мың гектарға артты, биыл биыл бұл көрсеткішті 143 мың гектарға жеткізу көзделіп отыр. Сқақов суармалы егіншілікті дамыту едәуір әрі тез қол жеткізілетін нәтиже беретінін атап өтті.
«Ең алдымен, егістік алқаптары әртараптандырылады, жыл басынан бері 90 мың гектар жер айналымға енгізілді. (…) Екіншіден, суару өндірілетін жем-шөптің саапсын жақсартады, бұл өз кезегінде, өңірдегі ет және сүт бағытындағы мал шаруашылығының дамуына тың серпін береді. Атап айтқанда, сүтті-тауарлы фермалардың саны өсуде: соңғы екі жылдың өзінде облыста жергілікті СТФ-ың үштен бір бөлігі салынды. АӨК-гі осы және өзге де оң өзгерістер бұл салаға инвестициялардың көбірек тартылуына әсер етеді. Жыл басына бері инвестициялардың көлемі 10%-ға дейін артты, екі жыл ішінде бұл көрсеткіш 150 миллиард теңгеден астам соманы құрады», - деп хабарлады Павлодар облысының әкімі.
Әбілқайыр Сқақов Ертіс өзені сияқты қуатты су әлеуеті бар өңір суармалы егістік алқаптарын едәуір арттыра алатынына сенім білдірді, әкімдіктің тиісті есептеулері мен ұсыныстары бар. Тараптар өңірде суармалы егіншілікті дамыту үшін арнайы бағдарлама құрастыру керек деген келісімге келді.
Сондай-ақ, министрлер кабинетінің басшысы Ертіс өзені арқылы өтетін жаңа көпірдің құрылысының қажеттілігі, Екібастұз ЖЭО-ың проблемлаарына диагностика жүргізу, экологиялық мәселелерді шешуді үдету және Павлодар облысының билігі көтерген басқа да бірқатар мәселелерді қолдады.
