Париждегі Паралимпиада ойындарында Қазақстанның туын кім ұстап шығады?
Қазақстан Ұлттық паралимпиада комитетінің президенті Қайрат Боранбаев Париждегі Паралимпиада ойындарының ашылу салтанатында Қазақстан делегациясының туын ұстап шығатын спортшының есімін жариялады.
Алматы, NEGE. Еліміздің көк туын алып шығу жауапкершілігі ату командасының құрамында қатысатын Севда Әлиеваға жүктеледі. Ол 10 метрлік P2 пневматикалық тапаншамен ату дисциплинасында өнер көрсетеді.
Әлиева Халықаралық паралимпиада комитетінің шешімімен Паралимпиада лицензиясын жеңіп алған болатын. Сондай-ақ ол арбада билеуден әлем чемпионы атанған.