6 июля 2025 г. 4:45
Пәкістанда қолда ұсталған арыстан қашып шығып, адамдарға шабуылдады
Пәкістанда үйде асыраған арыстан көшеге қашып шығып әйел мен оның балаларына шабуылдады. Бұл туралы RTVI порталы хабарлады.
Алматы, NEGE. Оқиға Лахор қаласында болған. Жыртқыш аң иелерінен қашып шығып, қала көшелерінде еркін жүрген. Тар көшелердің бірінде ол әйелді қуып жетіп, арқасына секірген. Кейін оның 5 және 7 жастағы екі ұлына шабуыл жасаған.
Қалалық полицияның мәліметінше, арыстанның үш иесі ұсталған. Олар аңды ұстап алып, оқиға орнынан жасырынуға тырысқан кезде қолға түскен.
