17 августа 2025 г. 10:21
Пәкістан мен Үндістанда су тасқынынан 380 адам көз жұмды
Пәкістан мен Үндістанда алапат тасқын жүріп, лай көшті. Салдарынан 380-нен аса адам опат болды, деп хабарлады 24.kz.
Алматы, NEGE. Табиғи апаттан қаза тапқандар Пәкістанда көп. Онда көз жұмғандар саны 321-ге жетті. Ахуал әсіресе елдің солтүстігінде қиын. Үйлер мен жолдар бүлінген. Аймақта төтенше жағдай жарияланды. Гуманитарлық көмек тиеген тікұшақ апатқа ұшырады.
Жергіліктің биліктің мәлімдеуінше, әуе көлігінде ешкім тірі қалмаған.
Ал Үндістанның Кашмир аймағында топан су 60 адамның өмірін қиып кетті. Тағы 200 тұрғын ізім-қайым жоқ. Іздеу-құтқару жұмыстары жалғасып жатыр.
Метеорологтар болса алдағы күндері күн тағы бұзылуы мүмкін деп болжам жасап отыр.
