Өскеменде ТЖМ қызметкерлері өрт кезінде 5 адамды эвакуациялады
Өскеменде Назарбаев даңғылында 5 қабатты тұрғын үйден өрт шықты. Бұл туралы ТЖМ баспасөз қызметі хабарлады.
Алматы, NEGE. "Өскеменде Назарбаев даңғылында 5 қабатты тұрғын үйдің 2-қабатында орналасқан пәтерде 15 шаршы метр алаңда жиһаз, жеке заттар жанды. Жедел жеткен өрт сөндірушілер көрші пәтерлерден құтқару капюшондарының көмегімен 5 адамды, оның ішінде 2 баланы эвакуациялады және өртті тез арада сөндірді, — делінген ТЖМ хабарламасында.
Зардап шеккендер жоқ. Өрттің себебі анықталып жатыр.