Оразада пойыздардағы вагон-ресторандарда алкоголь уақытша сатылмайды
Қасиетті Рамазан айының басталуына байланысты «Жолаушылар тасымалы» АҚ пойыздарындағы вагон-ресторандар арнайы кесте бойынша қызмет көрсетеді.
Алматы, NEGE. Аталған тәртіп 40 вагон-ресторанда енгізіледі.
«Вагон-ресторандар күн сайын сағат 8:00-ден түнгі 00:00-ге дейін қызмет көрсетеді. Ораза ұстаушыларға ыңғайлы болу үшін сәресі уақытында – сағат 04:00-ден 05:00-ге дейін ашық болып, жолаушыларға ораза басталғанға дейін таңғы астарын іше алады. Рамазан айында вагон-ресторандарда арнайы әзірленген мәзір топтамалары ұсынылады», – делінген ҚТЖ таратқан хабарламада.
Сонымен қатар ауызашар кезінде вагон-ресторандарда жолаушыларға су мен құрма тегін беріледі. Бұл уақытта пойыздарда алкоголь өнімдері сатылмайды.