Оралдан Астанаға ұшып шыққан FlyArystan ұшағы құстармен соқтығысты
2025 жылғы 26 қаңтарда Орал – Астана бағытындағы FlyArystan FS 7366 әуекомпаниясының ұшағы Орал қаласының әуежайынан ұшқан кезде құстармен соқтығысқан.
Алмвты, NEGE. Ұшақ жүйелері мен қозғалтқыштарының жұмысында ауытқулар болмағандықтан экипаж ұшуды жалғастырып, Астана қаласының әуежайына штаттық режимде қонды.
«Ұшақ келгеннен кейін сол қозғалтқыштағы компрессор қалақшалары мен фюзеляждың зақымданғаны анықталды, сондай-ақ құстардың қалдықтары қозғалтқыштан және басқа жерлерден табылды. Орал әуежайында осындай оқиғаларды болдырмау мақсатында құстардың түрлерін анықтау үшін ДНК-тестілеуге жіберіледі», – делінген хабарламада.