Оралда жалған мемлекеттік нөмірмен жүрген жүргізуші полициядан қашып кетпек болды
Орал қаласында Әбілқайыр хан даңғылында патрульдік полиция қызметкерлері Mercedes Benz автокөлікті тоқтатып, тексеру кезінде жүргізушінің жалған мемлекеттік нөмірі бар көлік құралын басқарғанын анықтады.
Алматы, NEGE. Әкімшілік хаттама жасақтап болғаннан кейін жүргізуші полициядан жасырынуға тырысты. Оны ұстау үшін қосымша жасақтар мен автопатрульдер тартылды. Тәртіп бұзушы қызметкерлердің тоқтау талаптарын елемей, жолдарда қауіпті жағдайлар туғызып, бағдаршамның тыйым салу белгісінен өтіп, басқа көлік жүргізушілеріне қауіп төндірді. Көлік Молдағұлова көшесінде тоқтатылды.
Жүргізушіге қатысты жол қозғалысы ережелерін өрескел бұзғаны үшін бірден бірнеше әкімшілік хаттама толтырылды.
Құқық бұзушының көлігі арнайы автотұраққа жеткізілді.