Өнер иелерінен тарту

Продюсер Алуа Қонарованың бастамасымен құрылған «Рензо» тобы жаңа туындыны ұсынды. Жігіттер «Нам мало» әніне видео түсіріп, жанкүйерін қуантты. Ырғақты әннің кадрлары бейнебаян ретінде саналмайды. Десе де, жігіттердің еңбегі еленбей қалмады. Ән де, клип те ютуб қолданушыларының оң бағасына ие болды.

Жаңа туындымен Назима да өз тыңдарманын қуантуға асық. Black Star-лық арудың «Ленты» атты трегінің желідегі тизері шоу мен шуға толы. Махаббат хикаясын насихаттайтын бейнебаян 17-ші наурыз күні қалың көрерменге жол тартпақ.

Ал «Жүзім» тобының экс-солисі Аружан болса, жаңа деммен сахнаға қайта оралуды жоспарлап жүр. Асыл Айдар құрған ұжымнан бөлініп шыққан ару, бір жыл бойы шығармашылық ізденісте жүрген еді. Бүгінде продюсерсіз жеке әнші ретінде жұмысын бастаған q-pop әншіге анасы қаржылай қолдау көрсетуде. Бүгінде жас өнерпаз бейнебаян таспалап үлгерген.