Омбы – Майқапшағай тасжолында төрт адам қаза тапты
3 қазан күні халықаралық маңызы бар Омбы – Майқапшағай тасжолында адам өлімімен аяқталған жол-көлік оқиғалары тіркелді.
Алматы, NEGE. Өңірлік полиция департаментінің мәліметінше, қайғылы жағдайлардың басты себебі — жол қозғалысы ережелерін өрескел бұзу болған: қарсы бағытқа шығу; тұтас сызықпен белгіленген жерде бұрылу.
"Аталған ереже бұзушылықтардың салдарынан төрт адам көз жұмды", - делінген хабарламада.
Абай облысының полиция департаменті барлық жүргізушілерді жолда аса мұқият болып, көлік тізгініндегі жауапкершілікті сезінуге шақырды.