16 августа 2025 г. 14:58
«Оқжетпес» пен «Қайрат» арасындағы ойын кейінге шегерілді
Көкшетаудың «Оқжетпес» пен алматылық «Қайрат» футбол клубтарының арасындағы матч кейінге қалдырылды. Бұған «Қайраттың» еурокубок бәсекесіне қатысуы себеп болды.
Алматы, NEGE. Алғашында 24 тамызда өтуі тиіс болған ойын қос тараптың келісімі бойынша 31 тамызға ауыстырылды.
Кестенің өзгеруіне басты себеп – «Қайраттың» 26 тамызда Чемпиондар лигасының плей-офф кезеңінде шотландиялық «Селтикке» қарсы қарымта кездесу өткізуі.
Айта кетейік, бұған дейін алматылық команда UEFA Чемпиондар лигасының үшінші іріктеу кезеңінде Словакияның «Слованын» қос матч қорытындысы бойынша жеңіп, плей-офф сатысына жолдама алған еді.
Ал «Астана» Конференция лигасының үшінші іріктеу кезеңінде өз алаңында Швейцарияның «Лозаннасына» есе жіберіп, жарыстан шығып қалды.
