19 апреля 2020 г. 20:15
Оқ бойы озып тұрмыз
Наурыз айының қорытындысы бойынша Қазақстандағы жылдық инфляция Еуразиялық экономикалық одақтағы ең жоғары көрсеткішті көрсетіп отыр.
Алматы, NEGE. Қазақстандағы тұтыну бағасы былтырғы бағамен салыстырғанда 6,4%-пайызға өскен. Бұл – одақтағы ең үлкен өсім.
Ресейде инфляция – 2,5%, Беларусьте – 4,9%, Қырғызстанда – 5,9% болған. Ал Арменияда бұл көрсеткіш 0,1%-ға төмендепті.
Қазақстанда азық-түлік тауарлары 9,3%-ға өскен. Бұл жағынан алғанда, бізден тек қырғыздар басып озыпты – 9,8%. Ресейде – 2,2%-ға, Беларусьте 3,6%-ға ғана өскен. Ал Арменияда керісінше 1,6%-ға арзандаған.
Осылайша, бағаның өсуі бойынша Қазақстан бірнеше айдан бері одақ ішінде көш бастап тұр. Болжам бойынша, мұндай үрдіс екі жылға дейін созылуы мүмкін.
