Наурызда нарыққа арзан iPhone шығады
Apple бағасы қолжетімді жаңа iPhone смартфонын шығармақшы. Bloomberg агенттігінің дереккөзі технологиялық алпауыт жаңа өнімді құрастыруды ақпан айында бастауды көздейтінін хабарлаған.
Apple арзан самртфонын наурыз айында сата бастайды деген ақпарат бар
Алматы, NEGE. 2020 жылдың алғашқы тоқсанында iPhone SE 2 арзан телефоны сатуға шығатыны туралы сыбыс былтыр шыққан. Бұл жөнінде Apple өнімдеріне қатысты болжамдары дәл келетін сарапшы Мин-Чи Куо да хабарлаған.
Куо да, Bloomberg те, бұған дейін iPhone SE 2 моделі iPhone 8-ге ұқсайды, сәйкесінше экранының көлемі 4,7-дюймге жетеді деп отыр. Жаңа смартфонға iPhone 11-дегідей Apple A13 чипі орнатылып, 3 Гбайт жедел жадыға ие болады деген болжам бар.