«Наурыз» бағдарламасы бойынша өтінім қабылдау басталды

Астана, NEGE. Бағдарламаға қатысуға өтінімдер 10 наурыз бен 31 наурыз аралығында қабылданады.

«Наурыз» бағдарламасына кімдер қатыса алады?

• Отбасы банкінің барлық салымшылары;
• депозиті бар және шотында кемінде 2 млн теңге жинағы бар клиенттер;
• соңғы 5 жылда өзінде де, отбасында да тұрғын үйі болмағандар.

Өтінімдер Baspana Market арқылы онлайн қабылданады. Ол үшін жеке кабинетке кіріп, өтінім беру қажет.

Несие шарттары

Бастапқы жарна:
Таза әрленген бастапқы тұрғын үй үшін – 10%-дан басталады;
Әрленбеген бастапқы немесе қайталама тұрғын үй үшін – 20%-дан басталады.

Сыйақы мөлшерлемесі:
7 % (ЖТСМ 7,1 %-дан) – әлеуметтік осал топтарға;
9 % (ЖТСМ 9,4 %-дан) – барлық қатысушыларға.

Ең жоғары сома:

• өңірлерде – 30 млн теңге;
• Астана мен Алматыда – 36 млн теңге.

Мерзімі: 19 жылға дейін

Қандай пәтерлерді сатып алуға болады?

Бірінші нарықтағы (жаңа) тұрғын үйлер – Астана, Алматы және облыс орталықтарында.

Бірінші және екінші нарықтағы тұрғын үйлер – моноқалалар мен ауылдық елді мекендерде.

Тұрғын үйді Baspana Market порталынан таңдау қажет.