НАТО елдері былтыр Украинаға 50 миллиард долларға қару-жарақ жеткізген
НАТО елдері 2024 жылы Украинаға 50 миллиард доллардың қару-жарағын жеткізді, одақ көмек көлемін ұлғайтуға ниетті, деп мәлімдеді альянстың әскери комитетінің төрағасы Джузеппе Каво Драгоне.
Алматы, NEGE. "НАТО елдері әскери көмектің жалпы көлемінің 99 пайызын берді. 2024 жылы оның көлемі 50 миллиард долларға жетті. 2025 жылдың 1 қаңтарынан бастап 33 миллиард долларлық межеге жеттік, бірақ жыл соңына дейін көмек бұрынғы көрсеткішпен шамалас болады. Болжам өте жақсы. Біз әскери көмекті жалғастыруға, тіпті оны арттыруға ниеттіміз", - деді ол италиялық Corriera della Sera газетіне берген сұхбатында.
Драгоне сонымен қатар НАТО-да Украинаға әскери контингент жіберу туралы пікірталас жоқ екенін атап өтті.