Мұхтар Мағауиннің қабіріне туған жерінің топырағы мен жусаны қойылды
АҚШ-та жерленген қазақ жазушысы Мұхтар Мағауиннің қабіріне арнайы зиярат жасалып, қазақтың «топырақ апару» дәстүрі орындалып, құран бағышталды.
Алматы, NEGE. Ұлы Едіге Мағауин туған жерден апарған топырақ пен бір түп жусанын жазушының жатқан жеріне көмді.
Шараға қазақтар мен Вашингтондағы Kazakh American Association қатысты. Бірнеше ай бұрын жазушының АҚШ-тағы қабірінен топырақ алынып, Қазақстандағы ата-бабаларының қасына жеткізілген болатын.
Зияраттан кейін Едіге Мағауиннің үйінде еске алу жиыны өтіп, құран оқылды.