Мүгедектердің қоғамдық бірлестігі «отшашу» үшін елорда әкімдігін сотқа берді
Мүгедектердің қоғамдық бірлестігі елорда әкімдігін сотқа берді. Белсенділер елорда күні пандемияға қарсы атылған от шашуға наразы екенін білдірген деп хабарлайды Еуразия бірінші арнасы.
Алматы, NEGE. Қоғам белсендісінің айтуынша, отшашуға жұмсалған қаражат шамамен 1,5 миллиард теңге. Ол «бұл қаржы науқастарды емдеуге жұмсалуы керек еді» деген пікірде.
Белсенділер отшашу тыныштық туралы заңды бұзғанын жеткізді.
«Егер кімде кім 23.00-ден кейін шулы шара өткізсе, онда жаза қолдану керек. Өйткені, 23.00-ден кейін адамдар ұйқыға кетеді және олар тыныштықта демалуға құқылы. Бұл әкімшілік құқық бұзушылық туралы кодексті бұзу болып саналады. Пациенттер, көптеген адам мұны дұрыс қабылдаған жоқ», - деді «Халық дауысы» қоғамдық ұйымының президенті Дәулет Әлмұрат.