Митингке шыққандар ұсталды
Алматы және Нұр-Сұлтан қаласында наразылық шарасына шыққандар ұсталып жатыр, – деп хабарлайды ҚазТАГ тілшісі.
Алматы, NEGE. Алматыдағы Абылай хан және Қарасай батыр көшесіне келген полицияның арнайы жасағы бірнеше адамды ұстап әкетті. Соңғы мәліметтер бойынша, он шақты адам ұсталған. Алайда, Алматы полиция департаменті бастығы Серік Күдебаевтың айтуынша, ұсталған ешкім жоқ. Бірақ журналистер полиция автобусына адамдарды салып жатқанын көрген. Сол сияқты Нұр-Сұлтан қаласында да полиция қызметкерлері наразылық танытқан он шақты адамды алып кеткен.