Мэй Маск Алматы қаласына сапары туралы жазды
Илон Масктың анасы, атақты модель Мэй Маск Алматыға келген сапары жайлы жазды.
Алматы, NEGE. Әлемге әйгілі өнертапқыш Илон Масктың анасы, атақты модель Мэй Маск Алматыға сапары жайлы әсерін бөлісті.
76 жастағы Мэй Маск Алматыда өткен BeWomen форумының басты спикері болған еді. Ол қазақстандық әйелдерге құндылықтарын айтып, кеңестерін айтқан.
«BeWomen форумында сахнада көңілді уақыт өткіздім. Көптеген кітапқа қолтаңба қойдым, сондай-ақ, әдемі қолөнермен жасалған пальто киіп, қызық оқиғаларға, сұлулыққа және табысқа толы кеңестерімді бердім», – деп жазды Мэй Маск өзінің Instagram парақшасында.