Мемлекет басшысы Қайрат Лама Шарифке сөгіс жариялады
Президент Қазақстанның Египет Араб Республикасындағы Төтенше және Өкілетті елшісі Қайрат Қайырбекұлы Лама Шарифке сөгіс жариялады.
Астана, NEGE. «Президент Қасым-Жомарт Тоқаев Қазақстан Республикасы мемлекеттік қызметшілері әдеп кодексінің 9-тармағының талаптарын сақтамағаны үшін Қазақстанның Египет Араб Республикасындағы Төтенше және Өкілетті елшісі Қайрат Қайырбекұлы Лама Шарифке сөгіс жариялады», – делінген хабарламада.
Естеріңізге сала кетсек, елші Қазақстанның атауын өзгертуге және даулы жер-су атауларынан құтылуға шақырған еді.